Norbolsak negozio-bolumenaren %16,8ko igoerarekin amaitu du 2020ko ekitaldia. Bilakaera oso ona izan du jarduera-arlo guztietan

Enpresak kapital-merkatuan sartzen laguntzeko espezializatutako zerbitzu gisa daukagun lekua eta finantza-merkatuei begira horiek duten sendotasun teknologikoa hobetu egin ditugu. Horretarako, 2.400 milioi eskari baino gehiago erakartzeaz gain, ordaindukoen lehenengo jaulkipenak egin ditugu blockchain teknologia erabilita Espainiako merkatuaren barruan.

Negozioaren bilakaera onari eta BMEn geneukan partaidetza saltzeari esker, 13,4 milioi euroko etekin garbia lortu dugu.

Enpresak kapital-merkatuetan sartzen laguntzeko ildoari eutsi dio gure sozietateak eta jarduera horretan merkatuko lehenengoetako bat da. Erakunde Jaulkitzaile gisa, Errenta finkoko 4.500 milioi euroko guztizko bolumena duten 20 programatan partaideak gara.

Arlo publikoaren jaulkitzaileekin, inbertsio-iturriak handitzeko prozesuari jarraipena eman diogu. Hala, Eusko Jaurlaritzarako Koordinatzaile Orokorra izateari eutsi diogu 600 milioi euroko bonu jasangarrien laugarren jaulkipenean eta beste bi jaulkipen pribatutan, horietako bat BGAEetarako baino ez.

Jasangarritasunaren alorrean erreferente izan nahi dugu finantza-aktiboen jaulkipenari, analistek euren enpresak kalifikatzeari eta zorroak kudeatzeari dagokienez.

Norbolsak negozio-bolumenaren %16,8ko igoerarekin amaitu du 2020ko ekitaldia. Bilakaera oso ona izan du jarduera-arlo guztietan: bitartekaritzan %5 hazi da, zaindutako aktiboetan %14 eta kudeatzeko agindutako aktiboetan, %15.

Aipatutako bilakaera onari eta SIX sozietateak luzatutako Erosteko Eskaintza Publikoa (OPA) baliatzean BMEn (Bolsas y Mercados Españoles sozietatean) zeukan partaidetza historikoa saltzeari esker ere, 13,4 milioi euroko emaitza garbia lortu ahal izan du. Ezohiko emaitzak kontuan izan gabe, proforma emaitza 2,08 milioi eurokoa izan zitekeen, aurreko ekitaldikoa baino %63 handiagoa.

Joera positibo horren gakoetako batzuk izan dira retail bezeroen bitartekaritzaren hazkunde handia eta enpresek 2020ko ziurgabetasunaren aurrean likidezia lortzeko kapital-merkatuetara jotzea.

Gaur egun, 20 jaulkitzaile pribaturekin baino gehiagorekin lankidetzan dihardugu epe laburreko eta epe luzeko errenta finkoko programetan, 4.500 milioi eurotik gorako zenbatekoan.

Norbolsa Euskadiko 600 milioi euroko zor jasangarriaren bosgarren jaulkipen arrakastatsuaren koordinatzaile global gisa aritu zen. Guztira, 1.900 milioi euroko eskaria lortu zuen, eta jaulkipenaren % 72 nazioarteko inbertitzaileei esleitu zitzaien. Gizarte-aurreikuspeneko erakundeentzako jaulkipen esklusiboa ere egin zuen, eta jaulkipen pribatuak diseinatu zituen Eusko Jaurlaritzarentzat eta Gaztela eta Leongo Juntarentzat.